O Asmubal sae da zona de descenso cun triunfo sobre o La Cistérniga

As de Víctor Garrido souberon superar a reacción intermedia do seu rival para gañar 38-33

.

vilagarcía / la voz

O optimismo regresaba o pasado sábado ao vestiario do Asmubal Meaño tras a vitoria do conxunto dirixido por Víctor Garrido sobre o Hand Vall La Cistérniga, 38-33. Un resultado que, unido á derrota do Palencia, 20-22 co Camargo, saca o cadro do Salnés da zona de descenso con 10 puntos, 1 máis có seu principal rival por evitar o descenso da División de Honra Prata Feminina.

Unha boa saída do Asmubal cun parcial de 3-0 deulle o control do marcador ata o minuto 18, cando o seu rival, cun parcial de 0-6, se poñía 10-16. Mais un tempo morto do adestrador local, e o cambio da súa defensa de 6-0 a 5-1 freou a marcha do La Cistérniga, chegándose ao descanso 18-19.

O cadro castelán-leonés foise de tres no arrinque da segunda parte. Pero o incremento da intensidade defensiva do Asmubal e o acerto da súa porteira permitíronlle empatar a 30 mediado o período. As de Garrido souberon manexar despois unha inferioridade 3-1, recibindo tan só tres goles no último cuarto de hora.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Asmubal sae da zona de descenso cun triunfo sobre o La Cistérniga