Verónica Ramilo será a encargada de impartir a charla
20 may 2022 . Actualizado a las 05:00 h.O Colectivo Feminista de Catoira, da man da asociación QuerEndo, de mulleres con endometriose, organizou para hoxe (20 horas, sala Celso Emilio Ferreiro) unha charla de Verónica Ramilo sobre unha enfermidade que segue a ser unha gran descoñecida. A ponente falará desta doenza, dos seus principais síntomas e de toda a información que segue a faltar sobre ela. «Non hai suficiente investigación ao respecto», asegura Ramilo, quen denuncia a fenda que segue a existir na investigación médica cos males que afectan ás mulleres. No caso da endometriose, tárdase arredor de oito anos en ser diagnosticada. Moitas mulleres non descobren que lles pasa ata que non conseguen quedar embarazadas. «É entón cando o aparello médico se pon a funcionar».
