Sete arousáns disputan o Mundial Júnior e Sub-23 de piragüismo

Carla Frieiro e Raquel Dacosta (As Torres-Romaría Vikinga), Manuel Fontán e María Pérez (Náutico O Muíño) e Valeria Oliveira e Noel Domínguez (Breogán) e Iago Monteagudo figuran entre as principais opcións de medalla de España


vilagarcía / la voz

A selección española de piragüismo desprazouse esta semana a Pitesti, Romanía, para participar desde hoxe e ata o domingo no Campionato do Mundo Júnior e Sub-23 de Esprint. Unha cita á que acode cun numeroso equipo de 42 padexeiros. Case a metade deles, 19, galegos. Un de cada seis, de equipos do Salnés e do Baixo Ulla, firmes candidatos a volver a casa con a lo menos unha medalla, coa inmensa maioría dos sete arousáns inscritos no Mundial facendo dúas, ou ata tres probas do programa mundialista.

O padexeiro xuvenil do Náutico O Muíño Manuel Fontán debuta ás 9.04 de hoxe no C-1 1.000, coa intención de gañar a súa eliminatoria, e conseguir deste xeito o pase directo á final. Fontán, que pretende ampliar en Romanía o seu xa notable palmarés internacional, tamén competirá na proba do C-4 500, formando equipo con Oliver Tamame, con Cayetano I García e mais co pontevedrés Martín Jácome.

Tamén en canoa, pero na da categoría Sub-23, o madrileño do Breogán do Grove, Noel Domínguez, buscará confirmarse xunto ao morracense David Barreiro nun home de futuro no olímpico C2 1.000 Sub-23, que paleará xunto co C2 500. A padexeira das Torres-Romaría Vikinga Raquel Dacosta é a arousá con máis probas por diante, competindo nos dous barcos olímpicos da canoa feminina, o C1 200 e o C2 500, neste último, igual ca no C2 200, coa deportista do Náutico O Muíño María Pérez como parella. A inda cadete do Breogán do Grove Valeira Oliveira estréase pola súa banda a nivel internacional, competindo con Antía Romero, do Piragüismo Rías Baixas, nun barco, o C2 200 xuvenil, autofinanciado como moitos dos que representan a España en Pitesti.

En kayak, en probas olímpicas, tanto a xuvenil das Torres-Romaría Vikinga Carla Frieiro, no K1 200 e 500, como o Sub-23 meisino do Naval de Pontevedra Iago Monteagudo, no K1 1.000 e no K4 500, son tamén serias opcións de medalla.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Sete arousáns disputan o Mundial Júnior e Sub-23 de piragüismo