Íker Losada lidera o triunfo de Galicia sobre Estremadura

A selección galega sub-18 abre en Baltar o Campionato de España de Seleccións Autonómicas


vilagarcía / la voz

A selección galega Sub-18 abríu onte a primeira fase do Campionato de España de Seleccións Autonómicas cun triunfo por 3-1 sobre o combinado de Estremadura. Unha vitoria no campo sanxenxino de Baltar co dianteiro catoirense do Celta de Vigo Íker Losada liderando o equipo galaico.

Auténtico pesadelo para a zaga rival, Íker Losada abríu o marcador no minuto 13, finalizando unha brillante xogada persoal con remate na área tras unha internada por un lateral do rectángulo maior dos dominios do porteiro estremeño. E co tanto do seu compañeiro Hugo subido xa desde o minuto 21, o de Catoira rozou o 3-0, pero o seu remate rematou co coiro repelido por un poste.

Co portonovés Lautaro asegurando o triunfo no 77 tras recurtar Alberto Vaquero a vantaxe galega, Íker Losada servíulle a Hugo un balón de ouro que o seu compañeiro enviou ao poste antes da substitución do vikingo no minuto 83 por David Guitián.

Galicia mediráse mañá ás 12.30 coa vixente campioa de España, Valencia, tras o duelo desta hoxe con Estremadura.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Íker Losada lidera o triunfo de Galicia sobre Estremadura