«É unha pena que a pegada dos vikingos non se explote»

Terré considera que o patrimonio vencellado aos normandos ten un potencial enorme


Vilanova será escenario ao longo desta semana dun curso da Universidade de Santiago sobre «Arte, historia, xeografía e cultura na comarca do Salnés: Intercambios e relacións exteriores». Nese marco, onte impartiu unha conferencia Rubén Terré, que reflexionou sobre os ataques dos vikingos, un pobo que Terré quere reivindicar como algo máis que simples saqueadores.

-¿O papel da ría foi tan estratéxico como se pensa?

-A ría foi a zona pola que chegaron todas as invasións e ataques que viñan por mar. É un lugar estratéxico, por iso foi en Oeste (Catoira) onde se construíron as Torres que «sellaban» a entrada as Terras de Santiago. Porque se os atacantes pasaban de aí, resultáballes moi sinxelo avanzar cara Compostela ou cara calquera outro lugar.

-¿As torres que hai ao longo da ría son todas parte dese sistema de defensa do que falaba?

-A tradición apuntaba a que a torre de San Sadurniño (Cambados) a mandou construír Sesnando II, pere agora esa é unha teoría en discusión. A Sesnando II, o gran construtor das fortificacións do Salnés, tamén se lle atribúe a da Lanzada.

-Se tivera que facer un roteiro vikingo na ría de Arousa, ¿que elementos formarían parte del?

-Pois eu creo que tería que empezar na Lanzada, e que tería que pasar tamén por Cambados, por San Sadurniño, pola torre de San Cibrán de Cálago, en Vilanova, e obviamente polas torres de Oeste, en Catoira. Nunha das sagas tamén se fala dun campamento base vikingo que tradicionalmente se sitúa en Cortegada. A verdade é que podería ter sido alí ou noutra illa da ría. É unha pena que a pegada dos vikingos non se explote máis.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«É unha pena que a pegada dos vikingos non se explote»