Os traballos afectan á PO-312 e PO-308 no Grove e á PO-300 ao seu paso por Cambados, Meis, Ribadumia e Vilanova
28 jun 2022 . Actualizado a las 16:49 h.A Consellería de Infraestruturas e Mobilidade iniciou a execución das obras de rehabilitación do firme en seis estradas autonómicas da zona de Pontevedra e do Salnés, que suporá un investimento de 1,3 millóns de euros. Entre estas estradas figuran a PO-312 e a PO-308 no Grove e a PO-300 ao seu paso por Meis, Cambados, Vilanova e Ribadumia. As obras executaranse de tal xeito que a afección ao tráfico sexa a menor posible, evitando traballar nos períodos estivais de maior intensidade de circulación, segundo informa a consellería. A previsión é rematar estas obras a principios do outono, adiantándose así ao prazo previsto, de seis meses.