Xoán Antonio Pillado: «Cabanillas adaptaríase perfectamente ao Cambados do 2021, estaría orgulloso»

Bea Costa
bea costa CAMBADOS / LA VOZ

CAMBADOS

Martina Miser

O exalcalde é favorable á recuperar a escalinata de Fefiñáns e a peonalizar a praza do Concello

03 sep 2021 . Actualizado a las 05:00 h.

Xoán Antonio Pillado Silvoso foi alcalde de Cambados desde 1979 a 1987. A democracia estaba empezando a andar e había moito por facer, en todos os eidos. O mérito do patrimonio da vila non foi un achado, aínda que si o foi verse donos das decisións que ían marcar o porvir desta riqueza tan valiosa. Pillado Silvoso foi protagonista daquel tempo e dá testemuña del.

-Pensou algunha vez sendo alcalde que Cambados acadaría o recoñecemento de Ben de Interese Cultural (BIC)?

-Si, porque xa nós empezamos facendo xestións con este tema. Recordo que daquela todo dependía aínda do Estado, non se fixeran as transferencias de competencias, e xa nos pediran de Pontevedra que lle mandaramos planos da vila de cara a unha futura declaración de conxunto histórico-artístico -entón aínda non había a figura do BIC-. A raíz de que chocara un camión co Arco de Fefiñáns ao pasar por debaixo dirixímonos á dirección xeral de Patrimonio, xa coa Xunta, e a persoa que estaba ao fronte sorprendeuse de que Cambados aínda non fora declarado conxunto histórico. Díxonos que iniciarían eles de oficio o trámite desde a consellería, e, efectivamente, fíxose. Eu sempre pensei que todo iso chegaría a algún sitio, chámese conxunto histórico-artístico ou chámase BIC.

-E cumpriu as súas expectativas?

-Si, porque era ao que aspirábamos, queríamos unha figura para protexer o patrimonio.