Cambados, Umia e Vilalonga pelexarán polo ascenso ou a Copa do Rei

lA Preferente porá en xogo dúas prazas na Terceira e unha na previa do gran torneo do k.o. da vindeira tempada


vilagarcía / la voz

A Real Federación Galega de Fútbol confirmou esta semana o formato de competición que rexerá finalmente a Liga exprés da Preferente Galicia. Un campionato que se disputará entre o 28 de marzo e o 27 de xuño, logo dos dous aprazamentos obrigados pola segunda e pola terceira vagadas da pandemia de covid-19, coa primeira previsión de inicio a finais de novembro e a segunda para dous meses despois.

Como xa se sabía, o Céltiga mantívose na súa posición inicial, rexeitando como os veciños Xuventú Sanxenxo e Portonovo competir esta tempada. O Juventud Cambados, o Umia C.F. e o Vilalonga compartirán, como estaba programado de saída, subgrupo -en total hai seis, tres nas dúas provincias do norte e outros tantos nas do sur- co Pontevedra B, co Beluso e mais co Gran Peña, este último obrigando ao desprazamento máis longo na primeira fase do torneo, ata Vigo.

Na mencionada primeira fase os seis equipos xogarán todos contra todos a dobre volta. Os dous primeiros sairán no seguinte bloque da Liga a polo ascenso cos outros dous mellores dos outros tantos subgrupos da súa zona, neste caso o sur de Galicia. Neste treito da tempada xogaráse a unha única volta, cos dous equipos que máis puntos acumulen entre as dúas fases facéndose con cadansúa praza na Terceira 2021/22. Cun matiz, os campións de cada subgrupo levarán á segunda fase 3 puntos e os subcampións 1, sen medirse cos seus compañeiros do primeiro treito do curso.

Pero é que, como gran novidade, este ano o terceiro clasificado dos subgrupos ao termo da primeira fase tamén poderá optar a un suculento premio. Os tres terceiros dos subgrupos sur, por un lado, e os dos do norte, por outro, xogarán entre si dous partidos para ver quenes se enfrontan nunha final da que sairá o equipo galego que xogará a fase previa da Copa do Rei 2021/22.

Os xogadores da Preferente deberán pasar cada dúas semanas test de antíxenos como os da Terceira para poder competir.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Cambados, Umia e Vilalonga pelexarán polo ascenso ou a Copa do Rei