O Concello de Cambados leva gastados 201.000 euros en limpeza e materiais contra a pandemia

A administración local da vila do albariño traballa en paralelo en «axudar o comercio local a reactivar a súa economía da man da asociación de comerciantes Zona Centro


cambados / la voz

O gasto total da administración local de Cambados motivado pola pandemia, ata o mes de outubro, ascende a 201.222,36 euros, «investimento que se fixo dende o Concello, sen recibir pola contra ningún tipo de axuda extraordinaria nin da Xunta de Galicia nin do Estado», segundo informa o concelleiro de Economía e Facenda da vila do albariño, Xurxo Charlín.

No reforzo de limpeza de edificios públicos (centros de ensino, centros culturais e centro de saúde) empregáronse 49.960 euros; en máscaras para a veciñanza e comercios e equipamento de protección individual para os traballadores municipais o gasto ascende a 48.960 euros; en materia de Servizos Sociais (axuda no fogar e reparto de alimentos), foron ata o peche de outubro 37.600,44 euros; en adquisición de equipamento e obras de adaptación nas instalacións municipais para prevención da pandemia investíronse 30.174 euros; na compra de xel hidroalcólico e dispensadores, 16.336 euros; en campañas de publicidade e prevención do coronavirus covid-19, 9.652 euros; e en test de diagnostico de covid-19 para ao persoal municipal, 3.820 euros.

Ademais de todo o anterior, «o Concello de Cambados segue traballando para axudar o comercio local a reactivar a súa economía da man da asociación de comerciantes Zona Centro a través de campañas informativas e de reparto gratuíto de material de prevención», subliña Xurxo Charlín.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Concello de Cambados leva gastados 201.000 euros en limpeza e materiais contra a pandemia