Cambados recupera cinco pezas do sistema hidráulico do convento franciscano, datado no século XVI

A antiga composición, cedida por dous veciños da vila, será instalada no xardín da igrexa parroquial

;
Cambados recupera cinco pezas do sistema hidráulico do convento franciscano do século XVI Van ser instaladas no xardín da igrexa parroquial

cambados / la voz

O patrimonio material non só reside nas grandes obras, senón tamén nas solucións que os nosos devanceiros daban a necesidades comúns. Dende hai oito anos, o historiador Gumersindo Mosteiro teimaba na pota en valor dunha serie de pezas que descansaban en dous solares, propiedade de Ramón Durán e Mari Carmen Durán Martínez, e facían un servizo sinxelo, pechar o paso aos vehículos. En realidade, esas cinco estruturas formaban parte do sistema hidráulico que dende o século XVI fornecía de auga á horta dos frades franciscanos da Concepción.

Cabanillas e Cotarelo Valledor

Trátase dun sistema que durante séculos funcionou para subministrar auga a un lugar que o propio Cabanillas cantou no seu poema O sábado na escola, publicado en Vento Mareiro no 1915, e foi citado nos textos que Armando Cotarelo Valledor escribiu na súa obra El convento de Cambados. Esa auga alimentaba dúas fontes. Unha delas atópase á beira do lavadoiro do que hoxe é a biblioteca municipal, antes coñecida como a casa de Fraga ou de Furruxe, a familia que ficou coa propiedade da horta do convento logo da súa desamortización. Velaí onde o Concello de Cambados conserva unha sexta peza, que se suma agora ás cinco que veñen de ser cedidas gratuitamente polos seus propietarios.

A intención do Concello pasa por solicitar a autorización da comisión de Patrimonio para instalar as seis pezas no xardín da igrexa parroquial. «Trátase de recrear o funcionamento orixinal deste sistema hidráulico construído a finais do século XVI, do que se abastecía de auga o convento franciscano, e dese xeito poñer en valor para as xeracións futuras unha estrutura que, de non ser pola intervención municipal, quedarán no esquecemento», sinala o concelleiro Xurxo Charlín.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Cambados recupera cinco pezas do sistema hidráulico do convento franciscano, datado no século XVI