Cambados pide a Portos a desafectación dos terreos do centro de saúde

A intención é poder poñelos acto seguido a disposición da Xunta para que se faga cargo do mantemento da instalación


cambados / la voz

O Concello de Cambados vai solicitar a Portos de Galicia a desafectación dos terreos que ocupa o centro de saúde, de xeito que pasen a ser de titularidade municipal e, así, polos a disposición da Xunta para que se faga cargo do mantemento da instalación. Faino ante a próxima caducidade da concesión por trinta anos -en maio do 2020- e á vista de que a Consellería de Sanidade non se fai cargo dos gastos de mantemento das instalacións.

O Concello de Cambados vén solicitándolle á Consellería de Sanidade que asuma este custe e virtude do compromiso que adquiriu de asumir o mantemento dos centros de saúde, dándolles prioridade a aqueles Concellos que teñen Puntos de Atención Continuada (PAC), como é o caso de Cambados, «dado que estes centros dan servizo a varios municipios, pero os seus gastos só son asumidos polo concello no cal se atopan», segundo indican desde o goberno local.

O concelleiro de Sanidade, Tino Cordal, entende que a solicitude a Portos é o primeiro paso para conseguir que a Xunta asuma os gastos do centro «e non ter que ser reclamados cada ano, como se fixo nestes días o Concello a través da Fegamp».

Silencio sobre pediatría

En relación ao recorte que vén de sufrir o número de pediatras en Cambados pola xubilación dun dos profesionais, a consellería optou onte por non facer declaracións. Cambados ten actualmente dous pediatras en activo, dous menos que hai un ano.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Cambados pide a Portos a desafectación dos terreos do centro de saúde