A actividade foi organizada pola Deputación de Pontevedra
26 nov 2018 . Actualizado a las 05:00 h.A Deputación de Pontevedra organiza hoxe, ás cinco da tarde, un taller de estimulación da memoria para persoas usuarias do servizo de teleasistencia domiciliaria nos concellos de Cambados, Vilanova de Arousa e Ribadumia. O obradoiro terá lugar no Salón Exposalnés de Cambados e asistirán as persoas usuarias, así como acompañantes, interesadas e interesados en participar no taller.
Prevese a asistencia dunhas 28 persoas, repartidas en 18 usuarias e 10 acompañantes. A iniciativa enmárcase no programa de actividades socioculturais para persoas usuarias do servizo de teleasistencia domiciliaria impulsado polo Goberno provincial, que se desenvolve ao longo de todo o ano en distintos municipios da provincia.