A primeira vitoria da tempada saca o Vilagarcía TM da zona de descenso

Os de Antonio Castro venceron 4-2 o Visit Pontevedra na mesma xornada na que o Cambados T.M. caía 2-4 co C.E.R. L'Escala


vilagarcía / la voz

Tiveron que transcorrer catro xornadas para que o Vilagarcía T.M., o equipo revelación na súa estrea a tempada pasada na Superdivisión, conseguise sumar os seus primeiros puntos na Liga 2018/19. Fíxoo cun triunfo sobre o recén ascendido Visit Pontevedra (Monteporreiro), nun partido de moi alto valor para o conxunto arousán dada a súa situación, compartindo espazo na zona de descenso co seu veciño Cambados T.M.

A presenza no trío vilagarcián do checo Michal Obeslo resultou decisiva. Del foron dous dos puntos do 4-2 co que o seu equipo superaba o Monteporreiro. Vencendo 3-1 a Horacio Cifuentes no duelo de apertura do choque disputado o pasado venres no pavillón da rúa Castelao, e devolvéndolle a vantaxe, no quinto emparellamento cun 3-0 fronte a Nicolás Daniel Galvano. Antes, Sergei Nigeruk superara 3-1 a Ignacio Fernández, sucedéndose despois as derrotas de Reinier Cabezas, 1-3 a mans de Galvano, e de Nigeruk, 1-3 con Cifuentes coma verdugo. Cabezas selou o triunfo arousán cun 3-0 a costa de Ignacio Fernández, situando o Vilagarcía antepenúltimo na clasificación con 2 puntos.

Pechando a táboa quedan agora o San Sebastián de los Reyes e un Cambados T.M. pechacancelas, cun punto. Este último, logo de sumar tan só os dous puntos de Qiu Liang ante o C.E.R. L’Escala, remontando un 1-2 para superar 2-3 o ruso Kirill Shvets, e reestablecendo a igualada cun 3-1 a costa dun Sergi Grau que sumaba o primeiro punto do cadro catalán cun 1-3 ante Fernando Padín antes de que Diogo dos Santos vencera 2-3 a Stefan Shaposhnikov. A derrota deste último ante o seu compatriota Shvets 1-3 deixaba o empate en mans de Padín, pero o cambadés caeu 2-3 con Dos Santos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

A primeira vitoria da tempada saca o Vilagarcía TM da zona de descenso