Kevin Joel Cori lidera o Open Internacional do Albariño tras a sexta rolda
CAMBADOS
O Mestre Internacional peruano superou con brancas o Mestre FIDE español Fernando Sánchez, que chegaba á súa partida líder tras sumar os cinco primeiros puntos posibles no torneo de Cambados
07 ago 2018 . Actualizado a las 05:00 h.O Open Internacional do Albariño vivíu onte un cambio de líder. Con brancas, na mesa número 1 do pavillón de deportes do Instituto Ramón Cabanillas de Cambados, o Mestre Internacional peruano Kevin Joel Cori Quispe destronou o Mestre FIDE español Fernando Sánchez Aller, que chegaba á sexta rolda das nove do torneo cos 5 puntos posibles ata ese momento no seu casilleiro, medio máis có seu rival.
As táboas de David Gómez e do Gran Mestre Ibragim Khamrakulov na mesa 2 permitíronlles ao Mestre FIDE Lucas Abal, do C.X. Fontecarmoa, e ao vilagarcián da USC Juan Roberto Patiño superalos e situarse xunto con Fernando Sánchez no grupo perseguidor a medio punto de Cori. Abal, logo de vencer con brancas a Tiago Fernandes na mesa 4, e Patiño, sendo quen de derrotar con negras o Mestre Internacional Diego Espiñeira.
A cita cambadesa entra na súa recta final, con só tres roldas máis por xogar ata o desenlace, este xoves no pavillón de deportes do Instituto Cabanillas.