O Internacional do Albariño comeza pese ao calor

Un bus xogoulle unha mala pasada ao subcampión das dúas últimas edicións


vilagarcía / la voz

Finalmente, a trixésimo cuarta edición do Open Internacional de Xadrez Albariño vai adiante. Alomenos, a primeira das súas nove roldas. Pouco máis tarde das cinco arrincaba o torneo decano do xadrez galego a pesar da denuncia pública do presidente da súa organización, Marco Antonio Costa, que na véspera desvelou a súa pelexa de dous anos co director do Instituto Cabanillas de Cambados para recuperar o salón de actos que tradicionalmente servía de escenario á competición, relegada polo novo responsable do centro a un pavillón no que o calor do verán dificulta a concentración dos seus participantes.

Con todo, Costa non descartaba onte que a vaga de calor que ameaza toda a Península acabe levando á suspensión de parte dun Aberto que reparte 8.000 euros en premios, e que este ano conta con nove titulados na súa inscrición. Ningún deles fallou onte, agás Arian González, vencedor da edición do 2012 e tres veces subcampión, incluído os dous últimos anos, que perdeu... por incomparecencia. O motivo, desprazarse de Vilagarcía a Cambados en bus, e chegar 65 minutos tarde, 5 por riba do límite.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Internacional do Albariño comeza pese ao calor