Cambados convoca un concurso literario para estudantes

Concello e IES Asorey van da man e crean un selo editorial para publicar as obras premiadas


«Queremos crear unha nova vía para que os talentos de Galicia poidan seguir creando». Con estas verbas presentou onte Domingo Tabuyo a primeira edición do concurso literario «Cambados mar de letras», que convocan o Concello de Cambados e o instituto Francisco Asorey. O certame ten dúas modalidades, poesía e relato curto, e está dirixido a alumnos de secundaria, bacharelato e ciclos formativos de toda Galicia, sempre e cando non superen os vinte anos. As obras deberán ser orixinais, inéditas e escritas en galego e establécense dous premios en cada categoría, un primeiro e un accésit de 250 e 125 euros, respectivamente, e mais unha figura conmemorativa e a publicación nun libro editado baixo o selo Edicións do Serrido, creado para este fin. O xurado estará presidido por un escritor de prestixio e os premios entregaranse o 9 de novembro, Día do poeta Cabanillas. O prazo de presentación dos traballos remata o 10 de outubro e as bases poden consultarse a través das plataformas do Concello e do instituto. O cartel que anuncia o concurso é obra da profesora María Gómez Paz.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Cambados convoca un concurso literario para estudantes