O conxunto levantino chegará ao Pombal tras encadear seis derrotas
03 ene 2018 . Actualizado a las 05:00 h.O Xuven Cambados terá este sábado, de novo co Pombal coma escenario, a oportunidade de reequilibrar o seu balance de vitorias e de derrotas decantado en negativo ao termo do 2017 cun 7-8 que a día de hoxe mantén o plantel dirixido por Chiqui Barros na undécima praza da clasificación. Só cun triunfo máis có Plasencia, en zona de descenso. Conseguir o 8-8 pasa por superar a un Real Murcia que tras pelexar as primeiras xornadas polo liderado da LEB Prata, chegará a Cambados como equipo con máis derrotas encadeadas, seis. A prensa local de Murcia falaba onte da inminente destitución de Quini García como o seu adestrador.