«A novela policial ten que ser entretemento e reflexión»

Miguel Anxo Fernández presenta estes días a súa nova novela; mañá no cambadés Pazo de Torrado ás 20.30 h


O intrépido detective creado por Miguel Anxo Fernández no ano 2002 con «Un nicho para Marilyn», volve ás andadas. Nesta ocasión, o personaxe regresa da costa oeste dos Estados Unidos onde vive, para resolver un caso nada menos que en Lalín. A trama comeza cun detalle certamente autobiográfico: «estaba eu na Festa do Cocido de Lalín cando comín un chourizo que contiña un óso, entón pensei que podería ser a metade dun dente humano». Así naceu a idea inicial que dá nome á nova entrega desta saga policial, «Un dente sen cadáver».

Frank Soutelo amosa as raíces galegas en de todas as entregas. Nesta ocasión, a súa relación concreta coa vila mariñeira onde se presentará mañá o libro é múltiple. «Como en toda a serie, mantense a relación con Beni, quen rexenta un restaurante na costa de Santa Mónica. Alí a relación có home galego é directa, porque Frank frecuenta esa taberna, e aquí o personaxe de Beni segue presente, primeiro pola familia deste en San Tomé, en Cambados, e logo coa presenza dunha tía en Muros, onde Frank vai cando viaxa a Galicia para levarlle as receitas ao seu amigo».

Na cita de mañá, o colaborador de La Voz de Galicia estará acompañado pola fotógrafa Dunia Álvarez. Unha vez máis, como fixera dende que iniciara a andaina deste personaxe, brinda a oportunidade a xente recentemente encamiñada no mundo audiovisual. «Como profesor de comunicación audiovisual sempre hai alumnos que se queren adicar á fotografía, entón lles propoño a eles facer a tapa ou as fotografías de estudo. Sempre penso que a xente nova precisa esa oportunidade e no caso de Dunia Álvarez encargouse dous retratos promocionais da novela» di sobre a labor da outra ponente de mañá. «A aportación é modesta, pero é unha maneira de comezar a facer currículo», engade.

A actualidade volve ás paxinas desta serie de misterio. A explotación da muller, a inmigración e a especulación son algunhas das cuestións que se incorporan á vida do detective. «Para min a novela policial ten que ser entretemento, parto desa base, pero tamén ten que invitar á reflexión», aclara o autor, antes de adiantar a modo de spoiler algunhas das encrucilladas nas que Soutelo se somerxe nesta ocasión. «Por desgraza os trazos de actualidade que introduzo nesta novela ocorren en medio mundo, así que Galicia é perfectamente fonte de inspiración destes feitos».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

«A novela policial ten que ser entretemento e reflexión»