O Fontecarmoa pelexa en Oviedo o regreso á Primera División do xadrez español
AROUSA
O equipo vilagarcián disputa o Campeonato de España de Clubes de Segunda División cos seus dez mellores xogadores
11 ago 2026 . Actualizado a las 05:00 h.O primeiro equipo do Club Xadrez Fontecarmoa participa desde a pasada fin de semana no Campeonato de España de Clubes de Segunda División. Na localidade asturiana de Oviedo, a entidade vilagarciá parte co obxectivo de recuperar a praza entre os oito equipos da Primera División. Faino nun torneo extremadamente esixente, onde só vale rematar campión para conseguir o ascenso.
Así as cousas, o Fontecarmoa desprazouse a terras asturianas co groso dos seus dez mellores xogadores: os Mestres Internacionais Julio Suárez e Roi Reinado, os Mestres FIDE Héctor Laiz, Lucas Abal e Dan Cruz, a Mestra FIDE Paula Suárez, máis Julio Torrado, Luca Rey, Luis Segura e Andrea Dorado. O club vilagarcián abriu o Campeonato de España de Segunda División con sendas vitorias sobre o vasco Txintxo Kirol Clube a sobre o asturiano CD Antonio Rico. Outro equipo local, o Vetusta, é o seu seguinte rival.