Kevin Longo, ás portas do podio europeo de Maratón, no que hoxe entra en acción Tono Campos
VILAGARCÍA / LA VOZ
AROUSA
27 jun 2026 . Actualizado a las 05:00 h.
A localidade romanesa de Pitesti é desde o xoves e ata mañá escenario do Campionato de Europa de Maratón. Se o primeiro día Diego Romero (Breogán do Grove) remataba noveno no C1 curto, onte Kevin Longo, padexeiro do Club Piragüismo As Torres-Romaría Vikinga de Catoira, quedou ás portas do podio do C1 Sub-23, cuarto a 45 segundos do polaco Eryk Wilga, bronce.
Hoxe Tono Campos (Breogán) e Fernando Busto (As Torres) pelexan polo título do C1 Sénior, e Roi Davila e Miguel Custodia, compañeiros de Busto, fan parella no C2 Xuvenil.