Jéssica Bouzas completa no WTA 250 de Rabat a súa posta a punto para Roland Garros

La Voz VILAGARCÍA / LA VOZ

AROUSA

Jéssica Bouzas, no seu duelo con Karolina Pliskova no WTA 1.000 de Roma. Ciro De Luca | REUTERS

A vilagarciá parte coma cabeza de serie número dous

19 may 2026 . Actualizado a las 05:00 h.

Jéssica Bouzas debuta esta tarde na arcilla do Grand Prix Son Altesse Royale La Princesse Lalla Meryem, o WTA 250 de Rabat, no que será o seu derradeiro torneo de posta a punto para o segundo grand slam da tempada, Roland Garros. Logo de disputar a semana pasada as semifinais do WTA 125 de Parma, Italia, caendo ante á despois campioa do torneo, a ucraína Dayana Yastremska, a vilagarciá, actual número 51 do ránking mundial, parte esta semana como segunda cabeza de serie en Rabat. A súa primeira rival, a sueca Lisa Zaar, número 190 do circuíto e clasificada desde a previa.