Alba Tomé, Paulo García e Yago Gómez encabezan o talento local en Vilagarcía Cidade de Libro

La Voz VILAGARCÍA / LA VOZ

AROUSA

Ángela Banzas, finalista do Premio Planeta, ambientou dúas das súas novelas en Cortegada

Xunta os tres escritores situaranse autores con claros vencellos coa capital arousá, coma Ángela Banzas e Fernando Fernández Rego

25 abr 2026 . Actualizado a las 05:00 h.

Vilagarcía Cidade de Libro, o salón literario que a capital arousá acolle cada mes de xuño fará nesta sexta edición un especial fincapé no talento vinculado ao territorio. O cartel de autores vilagarciáns está encabezado por Alba Tomé, Paulo García Conde e Yago Gómez Duro, tres mozos que presentarán as súas publicacións máis recentes.

Paulo García presenta a súa novela «Las ventanas sin rejas» Martina Miser

Paulo García (Vilagarcía, 1990) é licenciado en Xornalismo e cursou un máster de Creación Literaria Multidisciplinar. Exerceu como guionista de cine e especializouse na corrección e edición para autores coma Maxim Huerta. Las ventanas sin rejas é o título da súa segunda novela.

Alba Tomé presentará «As humidades», finalista do Premio Illa Nova

Alba Tomé (Vilagarcía, 1996) é licenciada en Comunicación Audiovisual, xornalista e activa militante feminista. Traballou no Congreso durante dous anos e vén de presentar a súa primeira novela, As humidades, finalista do Premio Illa Nova.

Yago Gómez (Vilagarcía, 1991), coñecido nas redes como Yago Sparks, é bookstagrammer, poeta e narrador. A súa segunda novela é Cuando dejó de llover.

Xunta eles, a mostra recibirá a dous autores que manteñen unha relación especial con Vilagarcía.

Ángela Banzas (Santiago, 1982), quen regresa a Cidade de Libro logo de ser finalista do Premio Planeta 2025 con Cuando el viento hable. Dúas das tres novelas que conforman a triloxía que comezou con El silencio de las olas están ambientadas en Cortegada.
Fernando Fernández Rego (Ferrol, 1970) é profesor no Castro Alobre e xornalista especializado en música. Publicou Desorden e Blues from a gun.