O torneo xogaráse do venres ao domingo en Fexdega
26 mar 2026 . Actualizado a las 05:00 h.O pavillón de Fexdega transformaráse da tarde do venres á mañá do domingo no escenario da vixésima edición do Memorial Miguel Ángel González Estévez de baloncesto infantil. Unha cita organizada pola Agrupación Deportiva Cortegada e o CLB coa colaboración da Fundación Municipal de Deportes de Vilagarcía de Arousa, que reunirá sobre as pistas da instalación multiusos a 24 equipos, 420 xogadores e da orde dun milleiro de persoas ao día entre estes últimos, os seus adestradores, árbitros e familias acompañantes dos rapaces e das rapazas en competición.
O presidente da Agrupación Deportiva Cortegada, Ramón Estévez, e o seu vicepresidente, José Gorgoso, agradecéronlle no acto de presentación este mércores ao concelleiro de Deportes e presidente da Fundación, Carlos Coira, o apoio do Concello, así como a implicación das familias dos equipos vilagarciáns en acción en calidade de voluntarios, así como a dos patrocinadores do evento.
O cadro de competición feminino contará cos equipos Cuntis, Miralba Celta, Compañía de María, Deleite Baloncesto, FEG Femenino, Franciscanas, Grupo Junquera, Celta Celeste, Galogrín, Salesianos, Fundiciones Rey e Grupo Covadonga. No cadro masculino o título decidiráse entre Sigaltec, Deleite Baloncesto, A Estrada, Salesianos, Santo Domingo, Grupo Covadonga, Sigaltec Naranja, Río Ulla, Galogrín, PBB, FGB Masculino e Estudiantes.