A promesa Asier Cores dálle ao Fontecarmoa o primeiro título da nova tempada de xadrez
AROUSA
Os Campionatos Provinciais pecharon a súa primeira fin de semana pendentes doutros catro cadros de competición nesta
14 ene 2026 . Actualizado a las 05:00 h.A praza da Peixería de Vilagarcía de Arousa viviu a pasada fin de semana a primeira das dúas quendas dos Campionatos Provinciais de Xadrez, organizados polo club local, o C.X. Fontecarmoa. O título de Asier Cores López, na primeira das categorías de formación, a promesas, deulle a primeira grande alegría da nova tempada xadrecística ao conxunto arousán.
O triunfo de Cores foi ademais incontestable, impoñéndose aos sete rivais que lle deparou o torneo. O vigués Brais Álvarez rematou segundo e Danna González, do Xadrez Mos, terceira.
Javier Lema, do EX Pontevedra, foi o campión alevín, e Javier del Valle, do Mos, o cadete.
Os Campionatos Provinciais, clasificatorios para os Galegos, completaránse esta vindeira fin de semana coa disputa dos cadros benxamín, infantil, xuvenil e a segunda metade do sénior.