A última etapa da Volta a Galicia cruzará medio O Salnés obrigando a cortes de tráfico

La Voz VILAGARCÍA / LA VOZ

AROUSA

Asier Torrado

Con saída en Sanxenxo e chegada a Portonovo o domingo, contará co vilagarcián Martín Rey como defensor do título

14 sep 2024 . Actualizado a las 05:00 h.

A Volta a Galicia, co vilagarcián Martín Rey (CC Padronés Cortizo) defendendo a súa condición de vixente campión, decidirá mañá o nome do seu novo vencedor. Será na quinta e derradeira etapa, con 127,7 quilómetros con saída en Sanxenxo, chegada a Portonovo e paso por media comarca do Salnés.

A previsión da organización sitúa o paso por Dena ás 10.52, no mellor dos horarios previstos. Meaño, Xil, Covas, Caponiñas, Leiro, Pontearnelas, O Sisto, András, o alto de Lobeira (3.ª categoría, ás 11.27), Vilagarcía, Pousadoiro, Sequeiros, Caldas de Reis, Vilanoviña, A Goulla, Lois, O Mosteiro, Meis, Barrantes, O Busto e o alto de Castrove (2.ª categoría, con paso no horario máis rápido ás 12.46) son os puntos da bisbarra polos que pasará o pelotón máis aló do seu transcurso polo termo municipal de Sanxenxo. En todos eles, con obrigados cortes de tráfico durante parte da mañá deste domingo.