Pedro Torrado, Manuel Fontán e Diego Domínguez fanse cada un con outros dous billetes na selección española de esprint xuvenil e sub 23
23 may 2023 . Actualizado a las 05:00 h.O selectivo para os campionatos do mundo e europeo de piragüismo esprint das categorías xuvenil e sub 23 disputado o xoves e o venres da semana pasada no encoro pontevedrés de Verducido concluír con cinco barcos arousáns máis con billete para as grandes citas desta temporada.
Na mañá do pasado xoves os padexeiros das Torres-Romaría Vikinga Pedro Torrado Mollinedo e Samuel Ares Nieto fixéronse co billete para o Europeo Xuvenil de Montemor no C2 500, barco olímpico, gañando a correspondente final. Só dez minutos despois, o madrileño do Breogán do Grove Diego Domínguez facía o propio no mesmo barco, pero para o Mundial Sub 23, xunto co balear Joan Moreno, relegando ao Europeo por tan só 1 décima de segundo o vilanovés do Náutico O Muíño Manuel Fontán e o padexeiro do Ciudad de Pontevedra Martín Jácome.
O venres, Fontán e Domínguez formaron equipo para facerse coa praza no C2 1.000 do Europeo Sub 23, mentres Pedro Torrado e o seu compañeiro de club Kevin Longo se facían co mesmo barco para a mesma cita, pero xuvenil.