Escapóuselle por pouco o 4-2 e rematou cedendo no dobres
07 mar 2023 . Actualizado a las 05:00 h.Dúas vitorias encadeara o Cambados Tenis de Mesa gañando o partido de dobres co que se desempatan os duelos que chegan ao 3-3 na Liga da División de Honra. O pasado sábado, no pavillón do Colexio San Tomé, preto estivo de facelo propio, pero o líder da competición, o ETM Hotel Marqués de Santillana, acabou levándose o gato á auga.
O duelo comezou costa arriba para o cadro local. Carlos Casal caía 1-3 con Nico Quevedo e Dani Casalderrey 2-3 con Ángel Rodríguez. Pero o partido virou cos triunfos, por 3-0, de Andrés Correa sobre Pablo Tellechea, de Casalderrey ante Quevedo e de Casal fronte a Tellechea. A cinco xogos se foi o duelo entre Correa e Rodríguez, que este último gañou para forzar o dobres entre Correa-Casalderrey e Quevedo-Rodríguez, con 1-3 final.