Será ás 20 horas no Faiado da Memoria coa presenza de Josito Porto e Antón Mascato
01 may 2022 . Actualizado a las 05:00 h.O local do Faiado da Memoria, en Vilagarcía, acolle este xoves (20 horas) a presentación do libro Estampas do mundo elegante, no que 37 autores renden tributo á figura de Xesús Chichi Campos, (Laguna, 1952-Compostela, 1991). «Chichi Campos pertence á estirpe dos que miran onde non se pode mirar e dos que moven a lingua doutro xeito», di no prólogo Manuel Rivas do que foi un pioneiro da banda deseñada, axitador cultural, articulista e colaborador nos primeiros pasos da TVG.
Todo o recadado coa venda dedicarase a financiar un documental sobre Chichi dirixido polo seu fillo Nico, alma mater do libro. No acto de presentación do libro en Vilagarcía participarán Josito Porto e Antón Mascato.