Un punto dos que marcan a diferenza entre quedar ou baixar

O Asmubal Meaño volveu da cancha do potente Valladolid cun valioso empate


Comentaba a semana pasada o adestrador do Asmubal Meaño, o vigués Juan Costas, que para conseguir a permanencia na División Honra Prata Feminina o seu equipo debería non só sumar os puntos que lle restan por disputar con rivais directos na zona baixa da clasificación, tamén máis dun a costa de adversarios situados en estratos superiores da competición. Na tarde do sábado o cadro meañés sumou un valiosísimo empate fronte a un conxunto deste segundo grupo, e co plus de facelo a domicilio. Cun Hand Vall Valladolid que pelexa co Porriño por rematar como mellor equipo da Liga tras os tres grandes, Lanzarote, Rodríguez CLEBA e Oviedo, fóra xa do seu radio de alcance. No marcador final, 32-32, o contraste entre a satisfacción do apuntado e a conciencia de ter deixado fuxir un punto nunha desas perdas de balón imperdoables que lle permitiron ao cadro pucelano pechar o electrónico a 35 segundos da conclusión.

Ao feito de afrontar un dos desprazamentos máis longos da tempada o Asmubal sumaba o sábado a baixa da súa central titular. A Victoria Domínguez, retirada a semana anterior ao pouco do inicio do partido contra a S.A.R., diagnosticóuselle unha micorrotura no aductor da súa perna dereita, que fai dubidar da súa presenza tamén o vindeiro domingo no trascendental choque do Asmubal na cancha do Salud Tenerife. Con Ariana e con Lara sen xogar desde hai semanas por non poder adestrar por razóns laborais, o conxunto galego encaraba o duelo co Valladolid con tan só 13 efectivos.

Nestas condicións, o bo facer de Cárol Ferreira no xogo de dous contra dous sobre o pivote e a coralidade anotadora das de Juan Costas fixo augas a 5-1 de saída do equipo anfitrión, que tras un primeiro intercambio de goles (4-4, min 6.47) tivo que pasar a unha defensa en 6-0 para frear unha sangría que ameazaba con rachar o partido no minuto 13: 5-10.

Seis minutos tardou o Hand Vall en devolver a igualada ao electrónico, 12-12, instalando un intercambio de golpes ata que o Asmubal conseguíu demarrar nos últimos dous minutos e medio da primeira parte para irse tres arriba ao descanso: 17-20.

Con Laura Miniño, con Cárol e con Andrea Cores como motores ofensivos, o colectivo galego mantivo a iniciativa no marcador ata o 27-27. A partir de aí, os últimos 14 minutos foron un suplicio para os dous equipos, que iniciou máis acertado o Valladolid, 29-27, para darlle a volta ao calcetín o Asmubal, 30-32 a 3 minutos xustos do final. Tras a pifia que deu pé ao 32-32 as visitantes tiveron un último lanzamento a 3 segundos do final, pero o tiro de Laura Miniño, autora de 10 goles, foi blocado pola defensa local.

?

Parro, Alicia Hernández, Colmenero (3), De la Puente, Mónica Gutiérrez (10), Julia, Colías (3), Jana (1), Laura (1), Elisa (4), Sofía, Marta Valderrama (1), Isabel, Laura, Miera (1) e Natalia Garcés (8). 

?

Lorena Ligero, Sabela Miniño (5), Julieta (1), Andrea Cores (6), Lara Castro, Mónica Sineiro, Anabel Otero (1), Laura Miniño (10), Vanesa, Andrea Barreiro, Lorena Barreiro (2), Cárol Ferreira (7) e Laura Rivas.

MARCADOR CADA CINCO MINUTOS: 3-3, 4-5, 7-10, 12-13, 15-15, 17-20 (resultado ao descanso); 20-22, 25-25, 26-26, 29-28, 30-31 e 32-32 (resultado final).

ÁRBITROS E EXCLUSIÓNS: Cristian da Silva e Tomás Luis García. Castigaron con 2 minutos as xogadoras locais Alicia Hernández (min 48.26), De la Puente (35.38 e 50.27) e Colías (7.14 e 27.20) e a visitante Cárol Ferreira (39.32).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Un punto dos que marcan a diferenza entre quedar ou baixar