Encontro de tres puntos para o Asmubal ante o pechacancelas

La Voz VILAGARCÍA / LA VOZ

AROUSA

RAMON LEIRO

As de Juan Costas reciben esta tarde o Lavadores

23 ene 2021 . Actualizado a las 05:00 h.

Pechaba a semana pasada o Asmubal Meaño fuxindo da última posición da táboa coa súa terceira vitoria da tempada. Esta tarde, no Pavillón Municipal de Coirón, o cadro que dirixe o vigués Juan Costas recibe ás 19.30 horas o principal damnificado da súa escalada na clasificación. Un Lavadores Vigo que chega a Meaño co cartel de pechacancelas.

Con tan só 4 puntos, e a posibilidade de recuperar os 2 cos que foi sancionado no seu día pola Federación por negarse a viaxar na primeira semana da Liga a Canarias nun momento de moitas dúbidas ante a segunda onda da pandemia, o Lavadores preséntase ante o Asmubal reforzado o pasado Nadal con dúas xogadoras veteranas, a lateral dereita Sandra Costas e a pivote Erika; esta última, integrante do cadro meañés na súa primeira experiencia en Prata.

Coas dúbidas das extremos Sabela e Andrea Cores, Costas agarda un rival en 6-0 que prefire correr por falta de lanzamento exterior, pero que se manexa ben no un contra un.