As oficinas de A Armenteira e A Illa renovan o distintivo Q que certifica a calidade turística

O informe subliña seis puntos fortes dos servizos certificados: a revisión do sistema de calidade, a atención os visitantes, o subministro de información, as fontes de información empregadas polos técnicos turísticos, os recursos humanos empregados, e a infraestrutura, instalacións e equipamentos


meis / la voz

A marca Turismo Rías Baixas continúa a reforzar o seu liderado na certificación de calidade turística. Un total de dez oficinas e puntos de información dispoñen xa do distintivo Q que concede o Instituto para a Calidade Turística Española de acordo coa norma UNE-ISO 14785. Entre eles, atópanse os puntos de información do mosteiro de A Armenteira, en Meis, e a oficina de A Illa.

Na auditoría deste ano, a rede acadou unha nota media global de 878 puntos sobre mil. O informe subliña seis puntos fortes dos servizos certificados: a revisión do sistema de calidade, a atención os visitantes, o subministro de información, as fontes de información empregadas polos técnicos turísticos, os recursos humanos empregados, e a infraestrutura, instalacións e equipamentos. O resto de categorías a exame, como o coñecemento e cumprimento da lexislación ou a organización do sistema de xestión de calidade, foron puntuados con notable.

O punto de A Armenteira, xestionado por Turismo Rías Baixas, da Deputación de Pontevedra, foi, xunto ás oficinas centrais, o primeiro servizo galego en conseguir o distintivo Q. A oficina de A Illa forma parte da rede Info Rías Baixas, creada no 2018 para a coordinación da oferta turística.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

As oficinas de A Armenteira e A Illa renovan o distintivo Q que certifica a calidade turística