O BNG cambadés repróchalle ao Concello que subvencione as sociedades de caza

Os nacionalistas advirten que é incongruente coa declaración de vila libre de circos con animais


cambados / la voz

O BNG de Cambados pide que non se financien con fondos públicos ás asociacións de caza, como si fixo o Concello cambadés o ano pasado. En consecuencia, solicita que para o 2021 se modifiquen as bases que rexen a concesión de subvencións a entidades deportivas. Doutro xeito, explica o grupo nacionalista, o Concello está incorrendo nunha incongruencia respecto á declaración de Cambados en 2016 como Vila libre de circos con animais.

Incoherencia

«O BNG considera que o actual goberno municipal debe seguir mostrando coherencia neste tema, de xeito que non haxa actuacións ou aspectos contraditorios en relación á sensibilidade animal», subliñan no Bloque. «Como queira que o ano pasado na concesión de axudas a entidades deportivas se lle asignou unha axuda a unha sociedade de caza, o que directamente se traduciu en que o goberno está a promover este tipo de actividade, o que resulta incoherente con respecto á declaración de principios de protección animal aprobada no pasado mandato», explican.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
31 votos
Comentarios

O BNG cambadés repróchalle ao Concello que subvencione as sociedades de caza