Quico Cadaval regresa a Vilagarcía con «Medida por medida»

A representación, no Auditorio, será o sábado a partir das 21.00 horas


vilagarcía / la voz

Sobre o escenario do Auditorio volverá a representarse unha obra de William Shakespeare. Será Medida por Medida, a comedia máis escura do dramaturgo británico, adaptada para a ocasión e aos tempos actuais polo ribeirense Quico Cadaval para a compañía Producións Teatrais Excéntricas. Unha obra que fala da inmoralidade e da corrupción no sentido máis amplo , vista dende o punto de vista dunha xoven inocente monxa. O espectáculo forma parte do ciclo programado a través do convenio financiado pola Concellería de Cultura de Vilagarcía e Agadic. A representación terá lugar o sábado, ás 21.00.

Medida por Medida acontece nunha Viena surrealista inventada por Shakespeare. Nela, o mandatario Duque Vincenzo pasa á clandestinidade e manda aplicar con todo rigor a lei contra os comportamentos inmorais. Cae a lei por igual sobre o negocio do sexo e sobre a xuventude hedonista. Neste contexto, un xoven de boa familia é condenado a morte. Isto obriga a Isabella, a súa irmá monxa, a abandonar o convento coa tentativa de salvar a vida do seu pecadento irmán.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Quico Cadaval regresa a Vilagarcía con «Medida por medida»