Pazos: «A miña actuación é unha anécdota comparada co traballo do equipo e de Luis»

O gardamallas do C.D. Ribadumia salienta tamén o labor previo feito con el polo adestrador de porteiros do equipo aurinegro, Daniel Paseiro


Vilagarcía / La Voz

Que o C.D. Ribadumia vaia poder xogar o 11 de novembro a eliminatoria previa da Copa do Rei sería imposible sen a excelsa actuación de Roberto Pazos. O veterán cancerbeiro cambadés adiviñou o lado dos disparos dos cinco lanzadores do Viveiro na quenda de penaltis, conseguindo deter o terceiro, coa sinatura dun home curtido en mil batallas como Gerardo, e o quinto, de Meitín. Con todo, Pazos nega a etiqueta de heroe: «A miña actuación é unha anécdota comparada co traballo do equipo» e, subliña, co labor do seu adestrador, o vilanovés Luis Carro, que «soubo xestionar os cambios vendo que o equipo estaba afogado na segunda metade». Ademais, o cambadés pon en valor o traballo de Daniel Paseiro, o adestrador de porteiros do Ribadumia, que traballou con el a preparación do partido, incluíndo a análise da mecánica de cada xogador do Viveiro no lanzamento de penaltis.

O porteiro, que xogou a comezos de século un cruce de Copa do Rei entre o Compos, no que militaba, e o Deportivo, salienta que o Viveiro chegou á final do domingo «con máis ritmo de xogo» ante as limitacións impostas pola directiva do Ribadumia a disputar partidos de pretempada. Pero «nós iamos coa ilusión extra tras non xogar en 7 meses e de facelo nun estadio coma San Lázaro», di.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Pazos: «A miña actuación é unha anécdota comparada co traballo do equipo e de Luis»