Comeza o duro, con tres portos de primeira, dous de cuarta e final na Señora da Graça


vilagarcía / la voz

Salientou onte ao termo da primeira etapa en liña Gustavo César Veloso ante as cámaras da RTP, a televisión pública portuguesa, que «o equipo fixo un gran traballo, sobre todo Samuel Caldeira», o seu velocista, que se quedou uns quilómetros antes da chegada tras valeirarse na caza ao home do día, o fuxido Marvin Scheulen. «Non ter caídas e non perder tempo» era o obxectivo, cumprido, co que encaraban a chegada a Viana do Castelo no W52-F.C.Porto. Porque, como todo o pelotón, no equipo de Veloso sabían que «mañá -por hoxe- teremos unha das etapas máis decisivas».

38 quilómetros subindo en 1ª.

Con dúas etapas menos do que é habitual, a edición especial polo covid-19 da Volta a Portugal decidiráse, se non toda, nunha altísima porcentaxe entre as dúas xornadas de alta montaña. A do xoves, con final en Torre. E a de hoxe, cos 167 quilómetros con saída en Paredes e final en Mondim de Basto, nun alto, o da Señora da Graça, convertido nun dos templos do ciclismo galego-portugués. O último dos tres portos de primeira categoría que os corredores deberán cubrir, tras os da Serra do Marão, no quilómetro 96, e o de Barreiro, no 131,7, con 38,8 quilómetros picando cara arriba entre os tres. Dúas dificultades de cuarta categoría, (qms. 11,6 e 110,7) contribuirán a endurecer outro punto unha xornada na que os ciclistas chegarán esixidos cando toque cubrir os 8 quilómetros finais de rampas ata a Señora da Graça.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Comeza o duro, con tres portos de primeira, dous de cuarta e final na Señora da Graça