O Cortegada terá que facer dúas viaxes ás Canarias a próxima tempada

A FEB mete no seu grupo o Vega Lagunera Adareva de Santa Cruz de Tenerife e o MagecTías Contra Violencia de Género de Las Palmas


vilagarcía / la voz

A comisión xestora da Federación Española de Baloncesto decidía onte a composición das diferentes competicións baixo a súa xestión. Entre elas, unha Liga Feminina 2 que suma 16 equipos máis, ata os 42, pasando de dous a tres grupos. Un cambio que suporá un duro golpe económico para as limitadas posibilidades da Agrupación Deportiva Cortegada. Porque se ben se mantén o número de equipos por grupo, 14, o cadro vilagarcián deberá aforrar para sacar dous billetes de ida e de volta ás Canarias.

Así, a FEB acordou sacar do Grupo A os conxuntos madrileños e cataláns e introducir o Extremadura Miralvalle Plasencia, o Osés C. Ardoi navarro e mais os insulares Vega Lagunera Adareva -de Santa Cruz de Tenerife- e MagecTías Contra Violencia de Género -de Las Palmas-. O ADBA avilesino e os vascos GDKO Ibaizabal, Añares Rioja ISB e o Ausarta Barakaldo EST continúan no Grupo A, que eleva de catro a seis os conxuntos galegos. Este último é o único dato positivo para o Cortegada, que se volverá medir ao Arxil, ao Celta e ao Baxi Ferrol, e aos ascendidos Maristas Coruña e Instituto Rosalía.

A nova chega co Cortegada 2020/21 a medio construír, con seis xogadoras en nómina tras confirmar nos últimos días as renovacións de Zeltia Presas e da canteirá Lorena Castro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Cortegada terá que facer dúas viaxes ás Canarias a próxima tempada