A biblioteca de Vilagarcía abrirá polas tardes nos meses de verán e pechará o sábado

A medida beneficiará aos estudantes universitarios e aos opositores


O goberno local de Vilagarcía vén de adoptar unha medida que facilitará aos usuarios o emprego da biblioteca municipal. Especialmente aos estudantes, que hai tempo solicitaban unha decisión semellante. A partir de mañá, o centro ficará aberto ao público polas tardes maila a chegada da tempada de verán.

Ravella entende que a apertura vespertina facíase máis necesaria ca nunca, á vista da restrición de aforo obrigada pola ameaza do coronavirus. Deste xeito, a biblioteca de Rey Daviña permanecerá en servizo entre as 9 e as 14 horas, e de catro a oito da tarde. Os sábados, en troques, ficará pechada toda a xornada.

«Os principais beneficiarios da apertura en horario de tarde serán os opositores e os estudantes universitarios que desexen preparar os exames de setembro nas instalacións», razoa o equipo de Alberto Varela. A biblioteca mantén operativo todo o protocolo de protección fronte ao covid-19, tanto polo que respecta ás propias dependencias (as cadeiras están separadas a unha distancia de un metro e medio) como polo que ten que ver coas normas que deben cumprir quen a empreguen. Comezando polo uso de máscaras ao desprazárense.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A biblioteca de Vilagarcía abrirá polas tardes nos meses de verán e pechará o sábado