O matrimonio de damnificados olímpicos resignado a engadirlle doce follas ao calendario

Árbitro internacional de piragüismo, Marta Felpeto «xa o tiña todo» para vivir por primeira vez desde dentro o maior evento deportivo do planeta


vilagarcía / la voz

Manuel Isorna cumpre co confinamento establecido na loita contra o COVID-19 na súa casa en Catoira. Nela dixire o mal trago de ter que pospor ao 2021 o Congreso Internacional de Adestradores de piragüismo no que leva traballando dous anos á fronte do comité organizador. Faino xunto ás súas dúas fillas e a súa muller, Marta Felpeto, como Manuel, no poboado colectivo de damnificados polo adiamento dos Xogos Olímpicos.

Árbitro internacional de piragüismo, Marta «xa o tiña todo» para vivir por primeira vez desde dentro o maior evento deportivo do planeta, desde as acreditacións ata «os billetes, para o 31 de xullo e para o 11 de agosto», di.

«Eu ata o último momento non vin que foran cancelar os Xogos. Só cando o equipo de natación dos EE.UU anunciou que non ía ir a Tokio se se celebraban este verán». E é que, desvela Felpeto, as mensaxes enviadas polo Comité Olímpico Internacional non facían pensar en que daría o seu brazo a torcer: «O xoves da semana que acabou co decreto do estado de alarma recibín o contrato de cesión de dereito de imaxes do COI para que o mandara asinado. Toda a maquinaria estaba en marcha».

Enterada da decisión oficial do aprazamento media hora antes co común dos mortais por unha árbitro xaponesa, Marta asúmea con resignación: «Nós -os árbitros- non nos dedicamos profesionalmente a isto. É un cambio, nada máis. Pero os deportistas si necesitaban sabelo».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O matrimonio de damnificados olímpicos resignado a engadirlle doce follas ao calendario