O Arousa recibirá o Racing Vilalbés o sábado ás cinco en Vilaxoán, tras xogar hoxe co Deiro

Os de Rafa Sáez camiñan cara os catro meses sen pisar o seu feudo da Lomba


O sábado, a partir das cinco da tarde, no Campo Municipal de Vilaxoán. Ese é o día, hora e lugar no que o Arousa se medirá ao Racing Vilalbés na vixésimo quinta xornada de Liga de Terceira División. O Arousa aceptou a petición do conxunto lugués de adiantar un día o encontro, solicitude que lle trasladou ao ter que visitar o vindeiro martes, ás 16.15 horas, o Polvorín F.C., en partido correspondente á decimosétima xornada, suspendido o 21 de decembro por culpa dun temporal.

«Síntoo polos socios, pero entre que vén o Entroido, e que nolo piden do outro club... Hoxe por ti, mañá por min», declaraba onte o presidente do Arousa. Un Manolo Abalo que se lamentou do feito de ter que volver competir no sintético de Vilaxoán, e non na Lomba, campo no que o equipo de Rafa Sáez vai camiño dos catro meses sen poder pisar. A primeira hora da tarde de onte Abalo non tiña sequera noticias da Fundación de Deportes de Vilagarcía, titular dos dous terreos de xogo, sobre se o xefe de obra da cuberta de preferencia da Lomba cambiara ou non o seu criterio de vetar o uso do recinto mentres non rematan os traballos.

O Arousa chegará á cita tras afrontar, esta noite desde as 21 horas no campo vilanovés de Monte da Lomba, a súa segunda eliminatoria da Copa Deputación. Logo de golear, 0-7, o Anduriña a semana pasada, o conxunto arlequinado mídese á U.D.S.M. Deiro. Faráo de novo cun nutrido grupo de futbolistas do seu primeiro equipo xuvenil, e co groso dos menos habituais no once de Rafa Sáez.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Arousa recibirá o Racing Vilalbés o sábado ás cinco en Vilaxoán, tras xogar hoxe co Deiro