Cursos para mulleres de hostalería e limpeza

As interesadas nesta oferta formativa poden reservar praza ata o 10 de febreiro no Concello

la voz

O Concello de A Illa, a través da Universidade Popular, abriu o o prazo, ata o 10 de febreiro, para solicitar praza nos programas «Hostalaría e Turismo 360» e «Emprega-T», que comezaron no verán e teñen continuidade co desenvolvemento destes cursos. Trátase de dúas iniciativas dirixidas a mulleres co obxectivo de axudarlles no fortalecemento e adquisición de capacidades básicas e no seu acceso ao mundo laboral. Poderán participar entre 15 e 20 mulleres, que recibirán formación teórico-práctica.

No programa de hostalería tocaranse áreas como información turística, servizo e atención ao cliente, o uso das TIC e nocións de inglés. O curso inclúe cinco obradoiros de cociña, abordando distintas técnicas de preparación de alimentos e bebidas.

O «Empréga-T» centrarse na profesionalización da limpeza: técnicas de limpeza, tratamento e mantemento de superficies, mobiliario, etcétera.

En ambos programas abordaranse temas transversais como poden ser a orientación laboral, a creación de empresa, o empoderamento, a igualdade de xénero entre homes e mulleres, as novas tecnoloxías e as súas aplicacións, a motivación e autoestima, o medioambiente e o seu coidado, ademais do emprego. O equipo de docentes, mentores e titores acompañará ás participantes durante todo o proxecto, axudándolles a adquirir as competencias que se tratan nestes cursos. «Con este proxecto, o Concello de A Illa de Arousa mostra o seu compromiso co desenvolvemento sostible e a xeración de emprego», segundo indica o goberno local do municipio anfitrión.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Cursos para mulleres de hostalería e limpeza