Jéssica Bouzas xoga coa romanesa Rosca por un posto na final de Manacor

La Voz VILAGARCÍA / LA VOZ

AROUSA

CEDIDA

A vilagarciá remontoulle onte un set á austriaca Antonitsch para superar a rolda de cuartos 6-4/4-6/2-6 en 2 horas e 12 minutos

26 ene 2020 . Actualizado a las 05:00 h.

Jéssica Bouzas situouse a un paso da final do Torneo W15 Manacor, do circuito ITF Profesional. Fíxoo logo de remontarlle onte un set á austriaca de 21 anos Mira Antonitsch, que comezara marcando o pé do seu duelo de cuartos de final cun 6-4. A tenista vilagarciá devolveulle o tanteador na segunda manga, 4-6, para levarse o seu partido de cuartos de final cun 2-6 no terceiro e último set fronte á xogadora número 657 do ránking WTA tras 2 horas e 12 minutos de pelexa sobre a pista dura das instalacións da Academia Rafa Nadal da illa mallorquina.

Hoxe, desde as dez e media da mañá na pista central do recinto deportivo, Jéssica Bouzas buscará a praza na final individual diante da romanesa Ioana Loredana Rasca, cabeza de serie número 2 do torneo, e actual número 387 do ránking WTA. A alumna arousá da Academia Tenis Ferrer será a única das catro semifinalistas do W15 Manacor que non partiron como cabezas de serie, coa gala Margot Yerolymos, a número 1, e a española Rosa Vicens, número 3, medíndose na outra semifinal do torneo.