Derrota do Vilagarcía T.M. na súa reentrada na División de Honra

Caeu 4-2 a mans do  Panadería Santy-Narón. O Cambados T.M. debuta esta semana


vilagarcía / la voz

O Vilagarcía Tenis de Mesa rematou de espertar a pasada fin de semana dese marabilloso soño de dous anos que o equipo arousán vivíu na Superdivisión, a elite reservada aos doce mellores equipos da pa de España. A pasada fin de semana o club que encabeza Antonio Castro completaba a súa reentrada na División de Honra, a categoría de prata do tenis de mesa hispano, abrindo a tempada 2019/20 no local de xogo do Panadería Santy-Narón. O resultado, 4-2 para o conxunto de Ferrolterra.

A única boa nova do encontro para o Vilagarcía T.M. foi a grande estrea protagonizada pola súa fichaxe estrela, o nixeriano Lawal Abiodum Ganiu. O africano foi quen de recurtar por dúas veces a desvantaxe que foi arrastrando o seu equipo todo o duelo, sumando o 2-1 a costa de Adrián Vidal (9-11/7-11/5-11), e o 3-2 fronte a Rubén García (2-11/6-11/8-11). Este último abrira o choque superando en catro xogos a Sergei Nigeruk (11-9/11-7/10-12/11-8). Nigeruk caeu tamén, en cinco xogos, con Alexis Damián (8-11/11-4/8-11/11-9/11-4). O canteirán Pedro Castro caeu pola súa parte nos seus dous emparellamentos, 11-4/11-8/11-6 con Damián no 2-0, e 11-7/9-11/11-5/11-6 no 4-2 definitivo con Vidal.

O Cambados T.M., compañeiro de descenso do Vilagarcía T.M. a pasada primavera, non tivo compromiso na primeira xornada de Liga. A súa reentrada na División de Honra será este sábado, ás 5 da tarde na casa co Collado Mediano.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Derrota do Vilagarcía T.M. na súa reentrada na División de Honra