Un festival bravo e nobre, como as xentes e a terra da que xurdiu

Trinta grupos soarán deica o domingo no festival que recende a salitre e sardiñas


Na terra das revenidas non podían facer un festival como outro calquera. Sendo terra de xentes bravas e nobres como é Vilaxoán, o festival tiña de ser capaz de reflectir esa condición. E abofé que o consegue. O Revenidas non se entendería sen Vilaxoán e, dende hai uns anos a esta parte, tampouco este recuncho do mar de Arousa se entendería de todo sen o seu festival.

A pesar da dimensión acadada nas últimas edicións o Revenidas non esquece a súa esencia de festa do pobo. Esencia que terá mañá ao mediodía o seu máis fiel reflexo na popular e multitudinaria sardiñada. Esa da que xurdiu o festival e da que tomou o seu nome. Será no parque de Dona Cocha. No mesmo no que pola tarde terá lugar a gala de circo solidaria pro refuxiadas, que este ano terá absoluto protagonismo feminino, coa presenza de Isa Risco, Pajarito, Patty Diphusa, Mireia, Desastronauts e a música de Brassica Rapa.

No recinto de pago sucederanse tres días de concertos con 25 grupos. Imponse o punk rock, o metal e a mestizaxe pero tamén hai lugar para o hip hop e mesmo a canción de autor.

A presenza feminina e a de grupos galegos marcan os sinais de identidade desta edición do Revenidas á que nin siquera o mal tempo arreda. Será por carpas!

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Un festival bravo e nobre, como as xentes e a terra da que xurdiu