Veloso zafa dunha caída múltiple a dous quilómetros da meta

O seu compañeiro Samuel Caldeira continúa líder pese a ser un dos afectados

Paulo Maria (Cedida)

A primeira etapa en liña da Volta a Portugal encamiñábase cara ao seu previsible desenlace. Os dous últimos supervivintes da fuxida do día, Mathias Reutmann (Swiss Racing Academy) e Gaspar Gonçalves (Miranda-Mortágua) corrían a 3 quilómetros da liña de meta de Leiría a mesma sorte que os outros dous homes que os acompañaran a maior parte dos 167 quilómetros de aventura, David Ribeiro (LA Aluminios-LA Sports) e Peio Goikotxea (Euskadi-Murias). A súa rebelión, fraguada no quilómetro 5 de carreira, con 12 minutos de vantaxe sobre o pelotón no seu momento de máximo esplendor entre un porto de primeira, dous de cuarta e outro de segunda, víñase abaixo pola forza da locomotora que comezou a acelerar o W52-F.C. Porto de Gustavo César Veloso e o seu compañeiro e líder, o esprínter Samuel Caldeira. Encamiñábase o grupo, xa compacto, cara un final para velocistas cando, a 2 quilómetros da chegada, un contacto cunha valla de protección levou ao chan a Caldeira, e a boa parte do Efapel; a gran alternativa á tiranía do W52-F.C. Porto nesta Volta a Portugal, co seu líder, Jóni Brandão, tamén afectado.

A norma dos últimos 3 quilómetros, que pica o mesmo tempo do pelotón en chegadas masivas para os ciclistas con calquera percance nese derradeiro treito, permitíulle a Caldeira conservar o xersei amarelo. Consolo para quen víu esfumarse unha das contadas opcións de volver sumar unha vitoria de etapa na Grandíssima, con triunfo onte do italiano do Amore & Vita David Appolonio, un palmo por diante de Daniel Mestre, o outro velocista do W52-F.C. Porto.

Haberá que ver se o accidente tivo ou non consecuencias físicas nos homes do Efapel e en Caldeira, con Veloso arrincando de novo terceiro co mesmo tempo co seu compañeiro a segunda etapa, unha rompepernas de 198,5 quilómetros entre Marinha Grande e Loures, con final no alto de 4ª. categoría de Santo Antonio dos Cavaleiros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Veloso zafa dunha caída múltiple a dous quilómetros da meta