Xarope Tulú pecha o ciclo de teatro infantil de Cambados

b. c.

AROUSA

CEDIDA

Actúa este domingo ás 18 horas no auditorio da Xuventude

23 feb 2019 . Actualizado a las 19:44 h.

Domingo • 18 horas • Auditorio de A Xuventude (Cambados) • 3,5 euros e 2,5 en tarifa reducida • O remate ao ciclo de teatro infantil de Cambados fárao Xarope Tulú con «Nómades», un espectáculo «onde o movemento, a escenografía e a luz se relacionan entre si, sendo en ocasións difícil de definir onde comeza e remata cada un dos elementos que conforman a proposta», segundo explican desde a compañía.

Fomentar a reflexión, reducir a discriminación sexista, amosar a diversidade afectivo-sexual e fomentar o respecto entre as persoas son algúns dos obxectivos que persegue esta montaxe, que se presenta como un xogo de estruturas de papel variable, no que a luz, o son a interpretación e o vestiario desempeñan un papel moi importante.

«Nómades» está interpretada por María Roja, Atenea García e Diego M. Buceta e dirixida por Gena Baamonde. A música orixinal é de Nicolás Zamorano a o vestiario, de Marte Martinka.