Un accidente doméstico con fractura de costela retrasa o debut de Veloso un mes

Tras pensar nun primeiro momento que se trataba dun traumatismo menor, ao saír á estrada a adestrar descubríu Veloso que «nin podía poñerme de pé na bici»


vilagarcía / la voz

Gustavo César Veloso tiña previsto abrir o seu calendario de competición 2019 o pasado domingo, na Prova de Abertura Região de Aveiro. Finalmente, o vilagarcián non puido facer o que si fixo o seu compañeiro cambadés no W52-F.C. Porto, Ángel Sánchez, correr a carreira. De feito, na previsión do dúas veces gañador da Volta a Portugal está non debutar ata exactamente un mes despois, o 10 de marzo, na Clássica de Primavera. O motivo, un accidente doméstico sufrido o 31 de xaneiro, coa fractura dunha costela descuberta case o mesmo día da proba.

Tras pensar nun primeiro momento que se trataba dun traumatismo menor, ao saír á estrada a adestrar descubríu Veloso que «nin podía poñerme de pé na bici». O vilagarcián mantivo aberta a opción de correr igualmente o domingo, ata que unha ecografía confirmou a fractura. «Preferín non correr riscos. Só tiña esta carreira confirmada no calendario ata o 10 de marzo», comenta. Desta maneira, e cun adestramento máis limitado e adaptado á situación, Veloso confía en estar razoablemente recuperado para a Clássica de Primavera, e afrontar en condicións a súa primeira toma de contacto de nivel, a Volta ao Alentejo, do 20 ao 24 de marzo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Un accidente doméstico con fractura de costela retrasa o debut de Veloso un mes