Novo concerto da Sociedade Filarmónica
09 feb 2019 . Actualizado a las 21:15 h.Auditorio de Vilagarcía • 21 horas • A entrada custará 18 euros para as persoas que non pertencen á Sociedade Filarmónica; os socios entrarán gratis • A oferta vén da man da Sociedade Filarmónica de Vilagarcía, e saciará a fame que de música culta teñen moitos arousáns. Esta noite, dous dos novos talentos que participaron na pasada edición do Festival Internacional de Música de Vilagarcía, o ClasClás, actuarán na vila. Trátase do violinista israelí, Ori Wissner-Levy, e do violonchelista de orixe taiwanés, Mon Puo Lee, que nesta ocasión tocarán formando un dúo. Ori Wissner-Levy e Mon Puo Lee son dous dos máis destacados Xóvenes Artistas que participaron na primeira edición do ClasClás, celebrado o pasado verán en Vilagarcía.