Touriño encadea o seu sexto título da Copa de España, o sétimo da súa carreira

A catoirense fixo pleno nas tres probas do calendario, a última o domingo en Asturias


O reinado da vikinga Mónica Touriño no canicrós sénior feminino español non ten data de caducidade á vista. O pasado domingo en La Fresneda, Asturias, a presidenta do Kennel Den de Catoira e o seu compañeiro cánido, Nepal, gañaron a terceira e derradeira proba do calendario da Copa de España de Mushing sobre Terra 2018/19, asinando o pleno. Un novo fito no seu extraordinario palmarés, no que é o sexto título encadeado da arousá na competición raíña do canicrós hispano, a que premia a regularidade, e o sétimo da súa carreira tras a súa estrea no alto do podio no 2012.

 

Dous homes por diante, lesionada

O mérito do conseguido por Touriño elévase por canto a catoirense corre desde a primeira proba da Copa de España cun pé mancado. O sábado, na véspera da carreira de La Fresneda, tiro de acupuntura para reducir a inflamación da articulación, e do bo facer do seu adestrador e fisioterapeuta. De feito, onte a campioa xa non podía camiñar sen coxear. E con todo, Touriño foi quen de marcar o terceiro mellor tempo de todos os participantes, 12.11.17, só superada polo seu compañeiro de club, campión da categoría de canicrós sénior masculino, o vigués Óscar Piñeiro (11.06.63), e polo catalán Santi del Valle (12.07.60).

Así as cousas, a arousá camiña cara a reválida do seu histórico repóker da tempada anterior, tras repetir xa os títulos nos campionatos de España e de Galicia e da Copa de España sobre terra. Coa Liga Galega ben encamiñada, só lle faltaría volver gañar o Campionato de España sobre neve.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Touriño encadea o seu sexto título da Copa de España, o sétimo da súa carreira