O Céltiga incorpora a Orlando, formado no Feyenoord, e a Arinse, na base do Arsenal

Canso de agardar por tantos xogadores galegos exasperantemente indecisos á hora de respostar as ofertas presentadas polo Céltiga, o adestrador do equipo illense, Manolo Núñez, decidíu tirar dos seus contactos para coser unha parte importante do seu plantel con tea foránea

.

vilagarcía / la voz

Canso de agardar por tantos xogadores galegos exasperantemente indecisos á hora de respostar as ofertas presentadas polo Céltiga, o adestrador do equipo illense, Manolo Núñez, decidíu tirar dos seus contactos para coser unha parte importante do seu plantel con tea foránea. Confirmada con anterioridade a fichaxe do luso Mario Jardel júnior, e co danés Yroen a proba, onte o club arousán tiña prevista a chegada desde Londres de dous novos reforzos con pasaporte estranxeiro. Ambos, formados en cadanseu grande do balompé europeo. O punta holandés de orixe angoleña Orlando João, e o lateral esquerdo inglés de orixe nixeriana Arinse Uade.

Nado na cidade holandesa de Helmond, Orlando João (1/X/1994) tería pasado parte da súa formación no Feyenoord, xogando posteriormente no balompé inglés, e a tempada pasada na Segunda División de Gibraltar. Zurdo e con 181 centímetros de estatura, é presentado por Núñez como un «dianteiro centro de forza, de potencia».

Arinse Uade (26/XII/1995), pola súa banda, evolucionou na canteira do Arsenal, chegando a xogar 592 minutos no filial na Premier League 2. Tras unha breve experiencia no fútbol finés, no SJK Seinäjaki, militou despois de volta a Inglaterra no Ilkeston Town, Norwich, Lewes, Harrow Borough e Ashford United. Del di o seu novo adestrador que é «un lateral con percorrido, ben defensivamente tanto por abaixo como de cabeza.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O Céltiga incorpora a Orlando, formado no Feyenoord, e a Arinse, na base do Arsenal