O Rasu xogará polo ascenso en Zamora, co Bera Bera e Benidorm tamén no grupo

A formación meca ocupa o terceiro posto da Primeira Autonómica Galega


vilagarcía / la voz

O departamento de competicións e de actividades da Real Federación Española de Balonmán vén de facer pública a distribución dos 24 equipos que do 11 ao 13 de maio pelexarán polas seis prazas de ascenso á División de Honra Prata Feminina española. Entre os aspirantes figura o Meloxeira Rasoeiro, terceiro clasificado da Primeira Autonómica Galega, que accedeu á promoción grazas á renuncia do segundo plantel do Porriño.

O club grovense fora un dos solicitantes dunha das sedes dos seis grupos da fase de ascenso. E se ben a Real Federación Española de Balonmán non elixíu a súa candidatura, o encadre do Rasoeiro no Grupo B, con sede en Zamora, deixou francamente satisfeitos os integrantes da directiva e do plantel mecos. Non en van Vigo á marxe -nesta fase non poden medirse dous representantes dunha mesma comunidade autónoma-, o desprazamento a Zamora antóllase con diferenza o máis económico para a modesta economía do Rasu, xogándose as outras catro prazas de ascenso en Basauri (Euskadi), Pedro Muñoz (Castela-A Mancha), Sevilla e Arrecife (Canarias).

O Bera Bera, histórico do balonmán feminino español, o BM Benidorm e o anfitrión, Raza Sayaguesa Zamora, serán os rivais do Rasu polo ascenso.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Rasu xogará polo ascenso en Zamora, co Bera Bera e Benidorm tamén no grupo